काठमाडौं । ‘जेन–जी’ आन्दोलनको उग्रताले मुलुक क्षणभरमै धुवाँ र खरानीको भूमरीमा रुमलिन पुग्यो । सडकमा उठेको आक्रोश सीधै सत्ताको ढोकासम्म पुग्दा शक्तिशाली भनिने नेताहरूका आलिशान निवासहरू प्रतिशोधको आगोमा विलीन भए । यसरी विलीन हुनेमा को–को परे  त ? 

भदौ २३ र २४ गतेको ‘जेन–जी’ आन्दोलनले केही घण्टामै मुलुकलाई आगोको रापमा धकेलिदियो । आक्रोश उर्लिँदा सडकदेखि सत्ता केन्द्रसम्म सबैतिर धुवाँ मात्रै देखिन्थ्यो । निजी घरदेखि सरकारी भवनसम्म आगोले नचिनेर सबलाई खरानीमा बदलिदियो । नाराबाजीको उन्मादबीच नेताहरूको निवासहरू प्रतिशोधको मुठो बने । 

धुँवामाथि धुँवा यस्तै दृश्य थियो । रास्वपाका घर सुरक्षित रहे पनि राप्रपा निकट दमकका मेयर राम थापाबाहेक प्राय सबै दलका नेताहरू आन्दोलनकारीको निशानामा परे । क्षणभरमै तिनको जग्गा–घर धुलोमा र इतिहासमा परिणत भए । भक्तपुरको बालकोटस्थित एमाले अध्यक्ष एवम् पूर्वप्रधानमन्त्री केपी शर्मा ओलीको घर दनदनी बालियो । 

त्यसै क्षण, ओलीको तेह्रथुमको पुख्र्यौंली घर र झापास्थित निवास पनि आगो लाग्यो । त्यस्तै, राष्ट्रपति रामचन्द्र पौडेलको बोहोराटारस्थित घरसमेत आगजनी भयो । पूर्व–राष्ट्रपति विद्यादेवि भण्डारीको निवास पनि खरानी भयो । सत्ता र शक्तिको सबैभन्दा उचो तहमा बसेकाहरू पनि यस पटक आन्दोलनकारीको आगोबाट अछुतो रहेनन् । 

नेकपा एमालेका कुन–कुन नेताको घरमा भयो क्षति ?

–    पृथ्वी सुब्बा गुरुङ्ग

–    गोकुल बाँस्कोटा

–    महेश बस्नेत

–    विष्णुप्रसाद पौडेल

–    पदम गिरी

–    सुरेन्द्र पौडेल

–    शंकर पोखरेल

–    ईश्वर पोखरेल

–    रघुवीर महासेठ

–    योगेश भट्टराई 

–    गोर्कण विष्ट

–    सूर्य थापा

–    कोमल वली

नेपाली कांग्रेसका कुन–कुन नेताको घरमा भयो क्षति ?

–    शेरबहादुर देउवा

–    पूर्णबहादुर खड्का

–    गगन थापा

–    विश्वप्रकाश शर्मा

–    प्रकाशमान सिंह

–    दिपक खड्का

–    रमेश लेखक 

–    विनोद चौधरी 

नेकपा माओवादी केन्द्रका कुन–कुन नेताको घरमा भयो क्षति ?

–    ‘प्रचण्ड’ को खुमलटार र चितवनको शिवनगरस्थित निवास

–    प्रचण्डपुत्री गंगा दाहालको घर

–    नारायणकाजी श्रेष्ठ

–    नन्दबहादुर पुन

–    कृष्णबहादुर महरा

–    अग्निप्रसाद सापकोटा 

–    माधव सापकोटा (सुवोध)
 
–    रामनारायण बिडारी

नेकपा (एकीकृत समाजवादी) का कुन–कुन नेताको घरमा भयो क्षति ?

–    माधवकुमार नेपाल

–    झलनाथ खनाल

लोकतान्त्रिक समाजवादी पार्टीका नेता शरदसिंह भण्डारी, जनता समाजवादी पार्टी, नेपालका अध्यक्ष उपेन्द्र यादव, प्रदीप यादवको घर पनि आन्दोलनकारीको निशानामा परेको छ । नाउपाका संरक्षक रेशम लाल चौधरीको घरमा पनि लुटपाट र आगजनी गरिएको छ । यद्दपि, अझै पूर्ण विवरण भने आउन बाँकी छ ।