काठमाडौं । ऐना फाउन्डेशनले कार्यक्षेत्र किकस्टार्ट बुटक्याम्प को आयोजना गरेको छ । फाउन्डेशनले युवाहरुको लागि सिक्ने सिकाउने र टेकाउने संगठनात्मक सोच, कौशल नेतृत्व विकास, परियोजना व्यवस्थापन र संगठनात्मक नेतृत्व विकासबाट युवा उधमी र रोजगारमुखी निर्माण गर्ने प्रतिबद्धताका साथ उक्त बुटक्याम्प आयोजना गरिएको जनाएको छ ।
ऐना फाउन्डेशनले शनिबार राजधानीको पासाङ ल्हामु फाउन्डेशनको सभाहलमा उक्त कार्यक्रम आयोजना गरेको हो । कार्यक्रममा ऐना फाउन्डेशनका संस्थापक अध्यक्ष तिलक बहादुर बटालाले विशेष सत्र सञ्चालन गर्दै अहिले नेपालमा युवाहरुको माग बढदो छ तर युवाहरुमा सिप नभएर अलमल भएको अवस्थामा हामीले सिक्ने सिकाउने र टेकाउने गरी उक्त बुटक्याम्पको आयोजना गरेको जानकारी दिए ।
साथै, कार्यक्रमका सत्रहरूमा सपना सुब्बा र सानोन तामाङले सहजीकरण (Facilitation) गर्दै अहिलेको आवश्यकता युवाहरुमा कौशल नेतृत्व र परियोजना सिप विकासले व्यक्तिगत जीवनमा सकारात्मक परिवर्तन ल्याउन आवश्यक सीप र ज्ञानका लागी नेतृत्व विकास सुधारको आवश्यकतामाथि प्रकाश पारेको थियो । कार्यक्रममा विभिन्न क्याम्पसका विधार्थीहरुको उपस्थिति रहेको थियो ।
