इटहरी  । LG Electronics ले आफ्नो आधिकारिक वितरक CG Electronics सँगको सहकार्यमा नेपाली बजारलाई लक्षित गर्दै नयाँ “LG Essential Series” घरेलु उपकरणहरू सार्वजनिक गरेको छ। ‘हरेक घरको खुशी, घर-घरमा LG’ अभियान अन्तर्गत इटहरीमा आयोजित एक कार्यक्रमका बीच यी उत्पादनहरू अनावरण गरिएको हो।

नेपाली परिवारको दैनिक आवश्यकता, स्थानीय वातावरण र किफायती मूल्यलाई ध्यानमा राखेर डिजाइन गरिएको यस श्रृंखलामा विशेष सुविधायुक्त उपकरणहरू समावेश छन्:

- डबल-डोर रेफ्रिजेरेटर: फ्रस्ट-फ्री प्रविधि, मौसम अनुसार चिस्यान मिलाउने Smart Mode र २०% ठूलो तरकारी राख्ने ठाउँ भएको।

- टप-लोड वासिङ मेसिन: पानीको कम चापमा पनि सजिलै धुने र पानीले नबिग्रिने IPX4 प्रमाणित कन्ट्रोल प्यानल भएको।

- रूम एयर कन्डिसनर: जाडो र गर्मी दुवै मौसममा उपयोगी, कम बिजुली खपत गर्ने र वातावरणमैत्री प्रविधियुक्त।

कम्पनीका अनुसार यी उत्पादनहरूको सुरुवाती मूल्य करिब रु. ४९,६९० तोकिएको छ। यो श्रृंखला देशभरका आधिकारिक LG ब्रान्ड शप, रिटेल आउटलेट तथा ई-कमर्स प्लेटफर्महरू मार्फत उपलब्ध भइसकेको छ।