काठमाडौं । लायन्स इन्टरनेसनल एमडी ३२५ अन्तर्गत डिष्ट्रिक्ट ३२५ एफ, नेपाल ९लायन वर्ष २०२६–२०२७० को प्रथम डिष्ट्रिक्ट क्याबिनेट मिटिङ तथा क्याबिनेट अफिसर्स इन्स्टलेसन कार्यक्रम आइतवा सफलतापूर्वक सम्पन्न भएको छ । 

डिष्ट्रिक्ट गभर्नर लायन अजय प्रसाद खनालको अध्यक्षतामा सम्पन्न उक्त क्याबिनेट मिटिङमा डिष्ट्रिक्टभरिका लायन्स लिडरहरू, क्लब पदाधिकारी तथा सदस्यहरूको उत्साहजनक एवं उल्लेखनीय सहभागिता रहेको थियो । 

बैठकमा लायन्स इन्टरनेसनलको मूल मन्त्र हामी सेवा गर्छौलाई आत्मसात गर्दै चालू लायन वर्षका रणनीतिक योजनाहरू, सेवा गतिविधि, नेतृत्व विकास तथा संगठन सुदृढीकरणका विषयमा गहन र रचनात्मक छलफल गरिएको थियो । 

विशेषगरी, लायन्स इन्टरनेसनलको ग्लोबल कज अन्तर्गतका मुख्य क्षेत्रहरू - मधुमेह, दृष्टि, भोक निवारण, पर्यावरण, बाल क्यान्सर, मानवीय कार्य, विपद् राहत र युवा जस्ता विश्वव्यापी प्राथमिकताका कार्यक्रमहरू लगायत डिष्ट्रिक्ट गभर्नरका प्रायोरिटी प्रोजेक्ट तथा मानवीय सेवामूलक अभियानहरूलाई अझ प्रभावकारी रूपमा अघि बढाउने, सदस्यता अभिवृद्धि गर्ने तथा क्लबहरूको सक्रियता र क्षमता विकास बढाउने विषयमा महत्वपूर्ण निर्णयहरू समेत गरिएको छ ।

सोही अवसरमा उपस्थित विशिष्ट नेतृत्वको समुपस्थितिमा नयाँ क्याबिनेट टिमको औपचारिक इन्स्टलेसन ९शपथ ग्रहण तथा पदस्थापना० सम्पन्न गरिएको थियो । नवगठित क्याबिनेट टिमले जिम्मेवारी ग्रहण गर्दै आगामी कार्यकालमा समाजमा प्रभावकारी सेवा तथा सबल नेतृत्व प्रदान गर्ने सामूहिक प्रतिबद्धता व्यक्त गरेका छन् । 

यस कार्यक्रमलाई भक्तपुर दिबेश्वरी लायन्स क्लबले आतिथ्यता तथा व्यवस्थापकीय सहयोग प्रदान गरेको थियो । उक्त भव्य कार्यक्रमले सम्पूर्ण लायन्स सदस्यहरूमा सेवाभाव, आपसी एकता र समर्पणको भावना अभिवृद्धि गर्दै समाजसेवामा अझ सक्रिय, उर्जावान र प्रभावकारी रूपमा अघि बढ्न ठूलो प्रेरणा दिएको आयोजकले जनाएको छ।