मुगु । हिमाली जिल्ला मुगुमा भौगोलिक विकटता, यातायात र सञ्चार क्षेत्रमा रहेको अभावका कारण सामाजिक सुरक्षा भत्ता लिन सकस भएको छ । सदरमुकाम गमगढी वा स्थानीय तह रहेका बैंकसम्म पुग्न ज्येष्ठनागरिक बालबालिका, गर्भवती, अपांगता भएका लाभग्राहीलाई सास्ती भएको हो । लाभग्राहीलाई मंहगो गाडी भाडा पर्ने भएकोले सामाजिक सुरक्षा भत्ता बाटो खर्चमै सकिने गुनासो गरेका छन् ।
पर्याप्त बैंक तथा वित्तीय संस्थाको पहुँच नपुग्दा मुगुका दुर्गम बस्तीबाट सामाजिक सुरक्षा भत्ता लिनका लागी सदरमुकाम वा स्थानीय तहको केन्द्र रहेको ठाउँ नपुगी हुँदैन । मुगुका सोरु गाउँपालिका लगायतका स्थानीय तहका ज्येष्ठ नागरिकलाई सदरमुकाम पुगेर वृद्धभत्ता लिन सकस परेको छ ।
यि मुगुको सोरु गाँउपालिका वडा नम्बर ११ बस्ने ललिता मल्ल हुन् । उनी शारीरिक रुपमा अशक्त छिन् । उनलाई घरबाट पालिकामा रहेको राष्ट्रिय बाणिज्य बैंकसम्म पुग्न दुई दिन लाग्छ । ‘गाडीबाट आवतजावत गर्दा करिब तीन हजार खर्च लाग्छ । सामाजिक सुरक्षा भत्ता पाउँदा निकै खुसी भएकी उनी भत्ता लिन आँउदाजाँदा सबै रकम बाटोमै सकिदा निरास छिन् ।
सोरु गाँउपालिकाका प्राय सबै स्थानीयको पीडा यस्तै छ । ‘प्रत्येक महिना पाउने भत्ता ४ हजार छ । त्यसमा एक हजार भन्दा बढी गाडी भाडामै सकिन्छ ।
बाँकी रकम घर खर्चमा चलाउने गरेको बताउछन् जेष्ठ नागरिक बताउँछन् । बल्लतल्ल बैंकमा पुग्दा पनि लाईनमा बस्नु पर्ने कहीले काही बैंकको सिस्टमले काम नगरे थप समस्या हुर्ने गरेको छ । भत्ता वडा कार्यालयबाट वितरण गरिदिन स्थानीय सरकारसंग आग्रह गरेका छन् ।
सोरुमा मात्र सामाजिक सुरक्षा भत्ता पाउने ज्येष्ठ नागरिक ६ सय १२, एकल महिला ३९ ,जेष्ठ नागरिक ४ सय ५१, बिधवा आर्थिक सहायता १ सय ४८, क बर्ग अपागंता ४७, ख वर्ग अपागंता ९८, क्षेत्र तोकिएका बालबालिका १ हजार ६ सय ३३ जना गरी जम्मा तीन हजार २८ जना गरी एक चौमासमा मात्र १ करोड ५६ लाख ९६ हजार २ सय ५४ रुपैयाँ वितरण हुने गरेको छ ।
अव भने असहाय र असत्तहरुको समस्यालाइ मध्यनजर गदै सामाजिक सुरक्षा वडा कार्यालयबाट बितरण गर्ने प्रयास गरिरहेको सोरु गाँउपालिकाका अध्यक्ष धर्म बहादुर शाही बताउछन् ।
मुगुको सोरु गाँउपालिका मात्र नभइ खत्याड ,मुगम कामारोङ्ख गाँउपालिका र छाँयानाथ रारा नगरपालिकाभित्र बस्दै आएका नागरिकलले सास्ती पाइरहेका छन् । स्थानीय जनप्रतिनिधिहरुले बैंक र सुरक्षा निकायहरुसँग सहकार्य गरी वडा कार्यालयबाटै भत्ता वितरण गर्ने व्यवस्था गरिदिए स्थानीयवासीहरुलाई सहजता प्राप्त हुने थियो । यस प्रकारको समन्वयतर्फ ध्यान दिने कि ?
