काठमाडौँ । नेपालको पर्यटन क्षेत्रलाई प्रत्यक्ष फाइदा पुर्याउने उद्देश्यले रुस सरकारले आफ्ना नागरिकहरुलाई नेपाल भ्रमणका लागि प्रोत्साहन गरेको छ । नेपालको पर्यटन क्षेत्रमा सहयोगकै लागि नेपालका लागि रुसी दूतावासले समन्वयको कार्य थालेको हो । 

अहिले रुसी दूतावासले रूसमा बौद्ध धर्मावलम्बीहरूको बाहुल्यता रहेको क्षेत्र काल्मिकिया गणराज्यबाट नेपाल घुम्न आएका पर्यटकलाई भव्य स्वागत र आवश्यक समन्वय गरेको छ । यो भ्रमण टोली रुसबाट बौद्धधर्मावलम्वी पर्यटकहरूको पहिलो आधिकारिक समूह हो । जसलाई दूतावासले भव्य स्वागत गरेको हो । 

सांस्कृतिक र आध्यात्मिक पर्यटनको लागि एक ऐतिहासिक कार्यक्रममा उनीहरुलाई स्वागत गरिएको हो । यो ऐतिहासिक भ्रमण, मानवीय सम्बन्धलाई सुदृढ पार्ने उद्देश्यले काल्मिकियाका नेता बटु खासिकोभको नेपालको द्विपक्षीय भ्रमणपछि भएको हो । साझा बौद्ध सम्पदाको माध्यमबाट सम्बन्धहरूलाई अझ गहिरो बनाउन यो भ्रमण कार्यक्रम गरिएको भ्रमण कार्यक्रमका सहजीकरणकर्ता काल्मिकिया सरकार र रूसी दूतावासको भनाई छ । 

भ्रमण समूहको स्वागतका लागि नेपालका लागि रुसी राजदूत अलेक्सी नोभिकोभ र उनकी श्रीमती एलिना नोभिकोभाले दूतावासमा स्वागत समारोहको आयोजना समेत गरेका थिए । कार्यक्रमले सांस्कृतिक कूटनीति र जनता–जनताबीचको सम्बन्धलाई बढावा दिने प्रतिबद्धतालाई जोड दिएको राजदूत नोभिकोभको भनाई छ ।

बौद्ध धर्मले दुई राष्ट्रहरू बीच एक शक्तिशाली एकता शक्तिको रूपमा काम गर्दै आएको छ । काल्मिक प्रतिनिधिमण्डलको यात्रा कार्यक्रममा काठमाडौँ र पोखराको सांस्कृतिक केन्द्रहरू, भगवान बुद्धको पवित्र जन्मस्थल रूपन्देहीमा रहेको लुम्बिनीको महत्त्वपूर्ण तीर्थयात्रा र अन्य महत्त्वपूर्ण धार्मिक स्थलहरू समावेश छन् ।

पर्यटन पर्यवेक्षकहरूले यो पहलले नेपालको पर्यटन क्षेत्रलाई उल्लेखनीय रूपमा फाइदा पुर्याउने प्रतिक्रिया दिएका छन् । यसले पर्यटक आधारलाई विविधीकरण गरेर र रूसभरिबाट बौद्ध तीर्थयात्रीहरूलाई आकर्षित गर्ने नयाँ सम्भावनाहरू खोलेर नेपालको पर्यटन क्षेत्रलाई उल्लेखनीय रूपमा फाइदा पुर्याउन सक्ने पर्यटन पर्यवेक्षकहरुको भनाई   छ ।