काठमाडाैँ । अन्तर्राष्ट्रिय शान्ति दिवस २०२४  सफलतापूर्वक सम्पन्न भएको छ । कपनस्थित एक गुम्बामा कार्यक्रमको आयोजना गरी सम्पन्न भएको हो ।  

युनिभर्सल पिस सेन्चुरीद्वारा आयोजित कार्यक्रममा श्याल्पा तेन्जिङ रिम्पोछेले  विश्व शान्ति र एकताको प्रवर्द्धनमा समर्पित मानव जीवनमा शान्तिको महत्व रहेको बताए ।

बिनाशर्त प्रेमको जगमा शान्ति स्थापना गर्न सक्षम हुनु पर्ने बताए ।  श्याल्पा तेन्जिङ रिम्पोछेले लुम्बिनीमा निर्माणाधिन गुम्बाको बारेमा जानकारी दिनुका साथै सहयोगी मन र दानवीरहरुलाई हार्दिक धन्यवाद दिएका थिए ।

कार्यक्रममा भगवान बुद्ध आमा मायादेबीको बारेमा जानकारी गराइएको थियो भने नृत्य, सङ्गितसहित  औपचारिक रूपमा कार्यक्रम समापन गरिएको थियो ।