काठमाडौं । नेपालको व्यावसायिक शिक्षामा नवीनता र गुणस्तरको पर्याय बनेको सर्टिफाइ कलेज अफ एकाउन्टेन्सी (सीसीए)ले शैक्षिक क्षेत्रमा ऐतिहासिक फड्को मारेको छ । तीन युवाः गोविन्दराज पन्थ, दिवस सिलवाल, र मनीष शर्माको सामूहिक नेतृत्वमा सञ्चालित यस संस्थाले नेपालको पहिलो बन्ने सफलता हासिल गर्दै नयाँ कीर्तिमान कायम गरेको छ ।
२००६ मा सुरु भएको यात्रा, २०१६ बाट नयाँ मोड
सन् २००६ मा ‘सीसीए स्कुल अफ अकाउन्टेन्सी’ का रूपमा परिचित यो संस्था सन् २०१६ मा नयाँ व्यवस्थापन संरचनासहित गुणस्तर र विस्तारमा एक कदम अघि बढ्यो। वरिष्ठ शैक्षिक विज्ञ गोविन्दराज पन्थको दीर्घ अनुभवसँगै दिवस सिलवाल र मनीष शर्माको व्यवस्थापनमा सक्रिय सहभागिताले सीसीए सीसीए को रणनीति अझ स्पष्ट र प्रभावकारी बनाएको छ ।
सीसीए ले आइएसओ प्रमाणपत्र प्राप्त गर्ने पहिलो शैक्षिक संस्था बनेको मात्र होइन, ए एल एल पी यूकेबाट प्राप्त प्लाटिनम एप्रुभल गर्ने नेपालको पहिलो संस्था बनेर अन्तर्राष्ट्रिय मान्यतामा समेत उल्लेखनीय सफलता हासिल गरेको छ ।
शिक्षा केवल ज्ञान होइन, संस्कार र नेतृत्व विकासको माध्यम
सीसीए का निर्देशक दिवस सिलवाल भन्छन्, “शिक्षाको उद्देश्य केवल ज्ञान दिनु मात्र होइन, व्यक्तित्व विकास र संस्कारमा सुधार ल्याउनु पनि हो ।” यही सोचअनुसार संस्थाले लचिलो शिक्षण प्रणाली, दोहोरो फ्याकल्टी सुविधा, र लेखापरीक्षण फर्महरूसँगको सहकार्यमार्फत विद्यार्थीहरूलाई व्यवहारिक दुनियाँसँग पनि जोडिरहेको छ।
ब्सीसीए उत्पादन गर्दै नेपालको आर्थिक विकासमा योगदान
सीसीए बाट शिक्षित हजारौं ब्सीसीए पेशाकर्मीहरू आज राष्ट्रिय र अन्तर्राष्ट्रिय स्तरमा उच्च स्थानमा कार्यरत छन् । यी पेशाकर्मीहरूले नेपालको आर्थिक क्षेत्रमा मात्र होइन, अन्तर्राष्ट्रिय बजारमा पनि नेपाली क्षमताको पहिचान दिलाइरहेका छन् ।
उत्कृष्ट पूर्वाधार र करियर गाइडेंसले बनाउँछ सफल विद्यार्थी
सीसीए ले आधुनिक पूर्वाधार, अनुभवी शिक्षकहरूको टोली, र सह–पाठ्यक्रम गतिविधिमार्फत विद्यार्थीहरूलाई परीक्षा पास मात्र होइन, दीर्घकालीन व्यावसायिक सफलताका लागि तयार पार्दै आएको छ । व्यक्तिगत करियर परामर्श र गाइडेंस सेवाले विद्यार्थीहरूलाई आत्मविश्वासी बनाउँदै आएको छ ।
तीन युवाको प्रतिबद्धता, शिक्षामा परिवर्तनको प्रेरणादायी गाथा
सीसीए को कथा केवल एक शैक्षिक संस्थाको सफलताको यात्रा होइन, यो तीन युवाको अडान, जोश र नेतृत्वद्वारा सम्भव भएको परिवर्तनको प्रेरणादायक गाथा हो । उनीहरूको समर्पणले शिक्षा र समाजमा सकारात्मक परिवर्तन सम्भव छ भन्ने उदाहरण प्रस्तुत गरेको छ ।
निरन्तर प्रगतिको बाटोमा अगाडि बढिरहेको सीसीएले आफ्नो उद्देश्यप्रति सधैं प्रतिबद्ध रहँदै नेपालको शैक्षिक क्षेत्रमा अझ ठूलो योगदान दिने लक्ष्य राखेको छ ।
