काठमाडौं । सरकारले बजेट घोषणामै सार्बजनिक गरेको नागरिक आरोग्य अभियान अब देशभरका ७ सय ५३ पालिकामा विस्तार हुने भएको छ । यसका लागि प्रत्येक पालिकामा पाँच लाख रुपैयाँ विनियोजन गरिएको छ । चालु आर्थिक वर्षमै १ सय ४४ पालिकामा आयुर्वेद र वैकल्पिक चिकित्सा जस्तै योग, ध्यान, प्राकृतिक चिकित्सा, होमियोप्याथी, अक्युपङ्चर  सेवा स्थापना गर्ने लक्ष्य सरकारले लिएको छ । 

गत  बजेट भाषणमा ‘निरोगी नेपाल अभियान’ सञ्चालन गर्ने घोषणा गरिएको थियो। यसअन्तर्गत स्वास्थ्य आहार, योग, ध्यान, व्यायाम र सकारात्मक सोचसहितको जीवनशैलीलाई प्रवद्र्धन गर्दै वैकल्पिक चिकित्सा प्रणालीलाई प्राथमिकतामा राखिएको छ। हालसालैको अध्ययनले पनि योग र ध्यानले क्यान्सरको जोखिम समेत कम गर्ने देखाएको छ। त्यसैगरी, आयुर्वेदिक तथा प्राकृतिक चिकित्साले नसर्ने करिब ७० प्रकारका रोग नियन्त्रणमा प्रभावकारी मानिएको छ ।

पछिल्लो समय मानिसहरु पनि आफ्नो स्वस्थ्य प्रती सचेत हुँदै गएका छन् । योग ध्यान र बैकल्पिक चिकित्सामा आकर्षक बढ्दो छ । सरकारले  ३० वर्षदेखि आयुर्वेद चिकित्सकको दरबन्दी बढाएको छैन। यसै कारण पर्याप्त जनशक्ति नहुँदा कार्यक्रम सञ्चालनमा कठिनाइ हुने देखिन्छ। तर, नेपालमा जडीबुटी र वैकल्पिक चिकित्साको अथाह सम्भावना भएकाले नीति र स्रोतसाधन प्रभावकारी ढंगले परिचालन गर्न सके आयुर्वेद सेवा सबैसम्म पुग्ने र नागरिक आरोग्य अभियान सफल हुने विश्वास लिइएको छ ।