काठमाडौं । काठमाडौं महानगरपालिकाले महिलाहरुमा हुने स्तन क्यान्सर,पाठेघरको मुखको क्यान्सर तथा प्रजनन् अवस्थाको परीक्षण सुरु गरेको छ ।
पाठेघरको मुखको क्यान्सर तथा स्तन क्यानसर पहिचान गरी उपचार गर्न तथा रोकथाम गर्न निःशुल्क स्वास्थ्य परीक्षण सुरु गरिएको हो ।
निःशुल्क स्वस्थ्य परीक्षण कार्यक्रमको पहिलो दिन राष्ट्रिय सभा गृहका महिला जनप्रतिनिधि तथा कर्मचारीहरुको स्वास्थ्य जाँच गरिएको थियो ।
बुधवारबाट भने काठमाडौं महानगरमा बसोवास गर्ने महिलाहरुको स्वास्थ्य परीक्षणका लागि वडास्तरीय निःशुल्क क्यान्सर परीक्षण शिविर सुरु भएको छ ।
विश्व स्वास्थ्य संगठनको तथ्यांक अनुसार नेपालमा हरेक वर्ष तीन हजार भन्दा बढी पाठेघरको मुखको क्यानसरका नयाँ बिरामी थपिने गरेका छन् ।
साथै पाठेघरको मुखको क्यान्सरका कारण नेपालमा हरेक दिन ४ जना महिलाको ज्यान जाने गरेको छ । त्यस्तै महिलाहरुमा स्तन क्यानसरको अवस्था पनि यस्तै भयाभवह देखिन्छ ।
यसै विषयलाई मध्ययनजर गदै काठमाडौं महानगरपालिकाले पाठेघरको मुखको क्यानसर तथा स्तन क्यानसर पहिचान तथा उपचारका लागि महानगरापालिकाका ३२ वटै वडाहरुमा निशुल्क स्वास्थ्य परिक्षण कार्यक्रम संचालनमा ल्याएको छ ।
पाठेघरको क्यान्सर तथा स्तन क्यान्सरको परिक्षणको पहिलो दिन राष्ट्रिय सभा गृहका महिला जनप्रतिनिधिलाई तथा बधुवारबाट भने वडास्तरिय परिक्षण संचालनमा आएको छ ।
जस अन्र्तगत बुधवार र विहिवार काठमाडौं उपत्यकाको वडा नं. ३१ भीमसेनगोलामा शिविर संचालन भएको छ ।
वडास्तरीय परिक्षणका क्रममा समान्य मानिएका महिलाहरुमा समेत पाठेघरको मुखको क्यानसरका केहि लक्षण देखिएको शिवीरका स्वयमसेवीकाको भनाई छ ।
क्यान्सर परीक्षणका लागि थालिएको शिवीरले महिलाहरुको स्वास्थ्य अवस्था पहिचानमा मद्दत पुग्ने अपेक्षा सर्वसाधारणको छ ।
निशुल्क शिविरमा स्तन क्यान्सरको जाँचका क्रममा पहिले क्लिनिकल परीक्षण यसपछि भिडियो एक्सरे गरिन्छ ।
साथै यी दुईप्रकारका परीक्षणबाट क्यान्सरका लक्षण देखिएमा मेमोग्राम समेत गरिन्छ । यस्तै पाठेघरको मुखको क्यान्सर परिक्षणका क्रममा नमूना संकलन तथा यसको प्रयोगशाला परीक्षण समेत गराइने छ ।
शिविर सञ्चालन कुन वडामा कहिले ?
– वैशाख ५ र ६ गते वडा नं. ३१ भीमसेनगोलामा
– ७, ९ गते र १० गते वडा नं २५ र २७ मा संयुक्त रुपमा इःबहालमा
– ११ र १२ गते वडा नं. ३ महाराजगञ्जमा
– १४ गते वडा नं. २६ लैनचौरमा
– १६ गते वडा नं. २० भीमसेनस्थानमा
– १७ गते वडा नं. २१ यंगालमा
– १८ गते वडा नं. २३ ओमवहालमा
– २० र २१ गते वडा नं. १५ मा
– २४ गते वडा नं. २ लाजिम्पाटमा
– २५ गते वडा नं. २४ मखनमा
– २६ गते वडा नं. २२ टेवहालमा
– २७ गते वडा नं. १८ नरदेवीमा
– २८ गते वडा नं. १९ कंकेश्वरीमा
– ३० र ३१ गते सोमबार वडा नं. ३२ पाल्पाकोट कोटेश्वरमा
लगायत ३२ वटै वडाहरुमा फरक फरक दिनमा शिविर सञ्चालन गरिदैछ ।
