काठमाडौं । जनसंख्या नीति सम्बद्ध संयुक्त राष्ट्रसंघीय मन्त्रीस्तरीय बैठकका लागि थाइल्याण्ड पुगेका स्वास्थ्य तथा जनसंख्या मन्त्री प्रदीप पौडेलले त्यहाँ रहेका थाई नेपाली समुदायसँग समेत भेटघाट गरेका छन् । शुक्रवार रात्री भोजसहितको भेटवार्तामा मन्त्री पौडेलले त्यहाँ रहेका नेपाली समुदायप्रति चासो देखाएका छन् ।
विभिन्न क्षेत्रमा स्थापित बनेका थाई नेपालीहरुको सीप र ज्ञानलाई नेपालमा उपयोग गर्न मन्त्री उत्साहित देखिएको थाई नेपाली संघका पूर्वअध्यक्ष कुमार कार्कीले बताए ।
त्यस्तै थाई नेपालीमार्फत नेपालमा गर्न सकिने लगानीका विषयमा पनि सकरात्मक छलफल भएको कार्कीको भनाइ छ । मन्त्री पौडेलले थाइल्याण्ड, बर्मा, फिजी, मलेशिया लगायतका देशहरुमा कसरी नेपाली पुगे भन्नेमा पनि जिज्ञासा राखेको कार्कीले जानकारी दिए ।
थाई नेपाली समुदायले मन्त्री पौडेलमार्फत नेपाल सरकारलाई पीएनओ’ (पिपुल अफ नेपाली) ओरिजिन) परिचय पत्रको माग राख्दै ज्ञापन पत्रसमेत बुझाएको छ । बर्मा, थाइल्याण्ड लगायतका देशमा स्थायी बसोबास गरिरहेका नेपाली समुदायले लामो समयदेखि पुख्र्यौली देशसँगको सम्बन्ध कायम पीएनओ परिचय पत्रको माग राख्दै आएका छन् ।
