काठमाडौँ । होण्डाको आधिकारिक विक्रेता स्याकार ट्रेडिङ कम्पनीले नेपालमा आफ्नो सेवा सञ्जाल विस्तार गर्दै काठमाडौँमा दुईवटा नयाँ प्रिमियम सर्भिस सेन्टरहरूको औपचारिक उद्घाटन गरेको छ।
कम्पनीले देशभर होण्डाका ग्राहकहरूलाई विश्वस्तरीय र उत्कृष्ट सेवा प्रदान गर्ने उद्देश्यका साथ पहिलो चरणमा ६ वटा अत्याधुनिक सेवा केन्द्रहरू सञ्चालनमा ल्याउने योजना सार्वजनिक गरेको हो। यसै पहलअन्तर्गत त्रिपुरेश्वर र कान्तिपथस्थित ज्योति भवनमा रहेका सेवा केन्द्रहरूको उद्घाटन वैशाख ११, २०८३ मा सम्पन्न भएको छ।
उद्घाटन समारोहमा प्रमुख अतिथिको रूपमा बोल्दै होण्डा मोटर कं. लि.का उपाध्यक्ष तोसिओ कुवाहाराले ग्राहकको सन्तुष्टिलाई प्राथमिकता दिँदै सेवा विस्तार गरिएको बताए।
स्याकार ट्रेडिङले यसपटक "पहिलेकै मूल्यमा प्रिमियम सर्भिस" को नयाँ अवधारणा अगाडि सारेको छ, जसले गर्दा ग्राहकहरूले अतिरिक्त आर्थिक भारविना नै उच्चस्तरीय सेवाको अनुभव गर्न पाउनेछन्। समारोहमा स्याकार ट्रेडिङका चेयरम्यान सौरभ ज्योति र भाइस चेयरम्यान सुहृद ज्योतिको समेत विशेष उपस्थिति रहेको थियो।
यस प्रिमियम सर्भिस सेन्टरका मुख्य विशेषताहरू र कम्पनीका प्रतिबद्धताहरू निम्न रहेका छन्:
थ्रीएस (3S) र वर्ल्ड क्लास सुविधा: शोरुम, सर्भिस र जेन्युन पार्टपूर्जाहरू एकै छानामुनि उपलब्ध गराई उपभोक्तालाई सहजता प्रदान गरिनेछ।
दक्ष जनशक्ति र आधुनिक प्रविधि: प्रशिक्षित मेकानिक्स, अत्याधुनिक डायग्नोस्टिक उपकरण र डिजिटल सर्भिस ट्र्याकिङ प्रणालीमार्फत गुणस्तरीय सेवा सुनिश्चित गरिनेछ।
कस्टमर फर्स्ट एप्रोच: ग्राहकको सुविधालाई पहिलो प्राथमिकतामा राखी कर्मचारीहरूलाई विशेष तालिम प्रदान गरिएको छ।
प्रिमियम अनुभव: सेवा लिन आउने ग्राहकका लागि आरामदायी वेटिङ लाउन्ज र निःशुल्क कफी तथा कोल्ड ड्रिङ्क्सको व्यवस्था गरिएको छ।
स्याकार ट्रेडिङले 'फास्ट सर्भिस बेज' मार्फत कम समयमै सेवा उपलब्ध गराउने र होण्डाका जेन्युन स्पेयर पार्ट्सको उपलब्धतालाई सधैँ सुनिश्चित गर्ने जनाएको छ। आगामी दिनहरूमा यस्ता सेवा केन्द्रहरू देशभर विस्तार गर्दै देशव्यापी पहुँचलाई अझ सुदृढ बनाउने कम्पनीको लक्ष्य छ।
यस विस्तारले नेपालमा होण्डाका ग्राहकहरूलाई अन्तर्राष्ट्रिय स्तरको सेवा अनुभव दिलाउने र कम्पनीको विश्वसनीयतालाई थप उचाइमा पुऱ्याउने विश्वास गरिएको छ।
