News 24 Television
प्रधानमन्त्री बालेनको भ्रमण टोलीमा महासंघ अध्यक्ष पाण्डे भारत प्रस्थान

प्रधानमन्त्री बालेन्द्र शाहज्यूको भारत भ्रमण टोलीमा सहभागी हुँदै नेपाल निर्माण व्यवसायी महासंघका अध्यक्ष निकोलस पाण्डे आइतवार भारत प्रस्थान गरेका छन् । अध्यक्ष  पाण्डेलाई त्रिभुवन अन्तर्राष्ट्रिय विमानस्थलमा महासंघका वरिष्ठ उपाध्यक्ष रामजी पन्त ‘मुकेश’ सहितका पदाधिकारी,  कार्य समिति सदस्यहरू तथा महासंघ सचिवालयका कर्मचारीहरूले बिदाई गरेका थिए । 

भारतीय अधिकारीहरूसँगको भेटमा महासंघ अध्यक्ष पाण्डेले नेपालमा पूर्वाधार मैत्री ऐन कानून निर्माण भएको अवगत गराउँदै पूर्वाधार क्षेत्रमा लगानी गर्न अनुरोध गर्नेछन् ।  अध्यक्ष पाण्डेले मंसिरको तेस्रो साता (२३ र २४) काठमाडौंमा पूर्वाधार विकास मन्त्रालय, नेपाल निर्माण व्यवसायी महासंघ र नेपाल उद्योग परिसंघको संयुक्त आयोजनामा हुन लागेको नेपाल पूर्वाधार सम्मेलनको महत्वबारे समेत भारतीय अधिकारीहरूलाई जानकारी गराउने छन् । 
 

प्रकाशित मिति: आइतबार, मंसिर ६, २०८३  १६:३४
प्रतिक्रिया दिनुहोस्
Weather Update