दोलखा । बागमती प्रदेश सरकारले पत्रकारहरूको सामाजिक सुरक्षालाई मध्यनजर गर्दै स्वास्थ्य बीमा कार्यक्रम ल्याउने घोषणा गरेको छ। 

प्रदेश सरकारका स्वास्थ्य मन्त्री किरण थापाले पत्रकारहरू लोकतन्त्रका स्तम्भ भएको उल्लेख गर्दै प्रदेश सरकार पत्रकारहरूको स्वास्थ्य सुरक्षाको लागि  रहेको बताएका छन्। 

स्वास्थ्य मन्त्री थापाले यो घोषणा नेपाल पत्रकार महासङ्घ, दोलखा शाखाले चरिकोटमा बिहिवार  आयोजना गरेको “भिमेश्वरको प्रतिबिम्ब” नामक पुस्तक विमोचन तथा वितरण कार्यक्रममा  उनले भने, “पत्रकारहरूको जीवन र स्वास्थ्य सुरक्षित राख्न सरकारले अब स्वास्थ्य बीमा योजना अघि बढाउने निर्णय गरेको छ। छिट्टै यसको कार्यान्वयन हुनेछ।”

उक्त कार्यक्रममा नेकपा (एमाले) का प्रदेश सांसद भरत के।सी।, भिमेश्वर नगरपालिकाकी उपप्रमुख कमला बस्नेत, सञ्चारकर्मीहरू, स्थानीय समाजसेवी तथा विभिन्न क्षेत्रका प्रतिनिधिहरूको उपस्थिति थियो। 

कार्यक्रमको अध्यक्षता नेपाल पत्रकार महासङ्घ दोलखा शाखाका अध्यक्ष प्रभु जिरेलले गरेका थिए। पुस्तक ूभिमेश्वरको प्रतिबिम्बू मा दोलखा जिल्लाको भिमेश्वर नगरपालिकाका विविध पक्षहरू समेटिएको छ। 

पत्रकारिता पेशामा क्रियाशील १३ जना स्थानीय पत्रकारहरूको लेख समावेश गरिएको यो पुस्तकले नगरको सामाजिक, सांस्कृतिक, शैक्षिक, लैङ्गिक, राजनीतिक तथा विपद् न्यूनीकरण सम्बन्धी गतिविधिहरूलाई उजागर गर्ने प्रयास गरेको छ। 

पुस्तकमा भिमेश्वर नगर क्षेत्रको विकास, जनजीविका, शिक्षा, महिला सशक्तिकरण, लैङ्गिक समानता, स्थानीय सरकारको भूमिका, वातावरणीय सरोकार, तथा बिपद् व्यवस्थापनजस्ता विषयवस्तुमा आधारित तथ्यपरक र विश्लेषणात्मक सामग्री समावेश गरिएको छ।

पत्रकार महासङ्घका अध्यक्ष प्रभु जिरेलले यस प्रकारको पुस्तक भिमेश्वर नगर पालिकाको स्थानीय दस्तावेजिकरण र अभिलेख संरक्षणमा महत्त्वपूर्ण योगदान पुर्‍याउने बताए।