काठमाडौं । राष्ट्रिय खेलकुद परिषद् (राखेप) ले खेलाडी, प्रशिक्षक, खेल संघ, प्रायोजक, निर्णायक, कर्मचारी र पत्रकारसहित कुल २० जना खेलकर्मीलाई सम्मान गरेको छ । त्रिपुरेश्वरस्थित राखेप कभर्डहलमा शुक्रबार आफ्नो ६२ औं वार्षिकोत्सवमा अवसरमा खेलकर्मीलाई सम्मान गरिएको हो । 

राष्ट्रिय खेलकुद परिषद् (राखेप) ले आफ्नो ६२ औं वार्षिकोत्सवमा अवसरमा खेलकर्मीलाई सम्मान गरेको छ । त्रिपुरेश्वरस्थित राखेप कभर्डहलमा शुक्रबार खेलाडी, प्रशिक्षक, खेल संघ, प्रायोजक, निर्णायक, कर्मचारी र पत्रकारसहित कुल २० जना खेलकर्मीलाई सम्मान गरिएको हो । 

यसक्रममा खोखो विश्वकप उपविजेता (पुरुष र महिला) दुई टोलीसहित खेलकर्मी उत्कृष्ट अवार्डबाट सम्मान गरिएको छ । राखेपले नेपाली खेलकुदमा योगदान दिएबापत खोखो टिमसँगै जुनियरमा दुई खेलाडी, पारामा एक खेलाडी, १० कर्मचारी, एक राष्ट्रिय खेल संघ, एक प्रायोजक, दुई पत्रकार र एक स्थानीय तहलाई सम्मान ग¥यो । कार्यक्रममा खोखो पुरुष÷महिला टोलीलाई समान एक लाख नगद पुरस्कारसहित ट्रफी प्रदान गरिएको थियो ।

गत वर्ष भारतमा सम्पन्न खोखो विश्वकपमा दुवै टोली उपविजेता हो । साथै नेपाल र भारतबीच भएको टेस्ट म्याचमा पनि नेपाली टोलीले रजत जितेका थिए । जुनियरको पुरुषमा बक्सिङका अर्पिल राना र महिलामा क्रिकेटकी पूजा महतो जनही ५० हजार नगदसहित सम्मानित भए । अर्पिलले थाइल्याण्डमा भएको एसियाली यु–२२ युथ बक्सिङ र श्रीलंकामा सम्पन्न एसियाली बक्सिङ यु–१९ मा कांस्य जितेका थिए । पूजा नेपाली यु–१९ महिला क्रिकेट टोलीकी कप्तान हुन् । उनको कप्तानीमा नेपालले विश्वकप पनि खेलेको थियो । 

उनले एशिया छनोटमा दुई सय ७२ रन र १० विकेट पनि लिएकी थिइन् । उनी छनोटमा प्लेयर अफ द सिरिज पनि हुन् । साथै उनी आइसिसी यु–१९ महिला टी ट्वान्टी विश्वकपमा मलेसियाविरुद्ध प्लेयर अफ द म्याच भएकी थिइन् । पेरिस पारालिम्पिककी कांस्य पदक विजेता पारा तेक्वान्दोकी पलेशा गोबर्धन ५० हजार नगदसहित सम्मानित भइन् । 

उनले मलेसियामा सम्पन्न १०औं एसियाली पारा तेक्वान्दोमा कांस्य पदक पनि जितेकी थिइन् । कार्यक्रममा उत्कृष्ट राष्ट्रिय खेल संघको अवार्ड नेपाल क्रिकेट संघ (क्यान), उत्कृष्ट प्रायोजकको अवार्ड नेपालय इन्टरनेसनल प्राली र उत्कृष्ट स्थानीय तहको अवार्ड मकवानपुरको बागमती गाउँपालिकाले प्राप्त ग¥यो । यी सबै समान एक लाख नगदसहित सम्मानित भए ।

खड्का र शाक्य सम्मानित 

उत्कृष्ट खेलकुद पत्रकारबाट पुरुषमा खेलाडी डट कमका समाचार संयोजक अञ्जन खड्का र महिलामा मेरो खेल डटकमकी लक्ष्मी शाक्य सम्मानित भए । कर्मचारीतर्पm सर्वोत्कृष्ट परिषद् सेवा पुरस्कारबाट राखेपका नायव वरिष्ठ प्रशासकीय अधिकृत फणिन्द्रप्रसाद पौडेल (प्रशासन), दाङ जिल्ला खेलकुद विकास समितिका तेक्वान्दो प्रशिक्षक भीमलाल विक (प्रशिक्षण) पुरस्कृत भए । 

त्यस्तै उत्कृष्ट परिषद् सेवा पुरस्कारको प्रशासनमा संघसंस्था समन्वय शाखाकी नायब वरिष्ठ प्रशासकीय अधिकृत प्रभा कर्माचार्य र प्रशिक्षणमा ललितपुर जिल्ला खेलकुद विकास समितिका तेक्वान्दो प्रशिक्षक तुल्सीनन्द वज्राचार्य जनही १५ हजार नगदसहित सम्मानित भए । 

परिषद् सेवा पुरस्कारको प्रशासनमा ललितपुर जिल्ला खेलकुद विकास समितिका प्रशासकीय अधिकृत बाबुकाजी श्रेष्ठ र प्रशिक्षणमा तालिम तथा प्रशिक्षण विभागकी नायब वरिष्ठ एथलेटिक्स प्रशिक्षक उषाकर्ण चौधरी सम्मानित भए ।

करार सेवा पुरस्कारको प्रशिक्षणमा काठमाडौं जिल्ला खेलकुद विकास समितिका सहायक कराते प्रशिक्षकद्वय संघरत्न महर्जन र कुशल श्रेष्ठ तथा प्रशासनमा राष्ट्रिय टिम तयारीकी सहायक द्वितीय दीपिका केसी र प्रशासन विभागका कार्यालय सहयोगी दुर्गा थापा पुरस्कृत भए ।