काठमाडौं । पछिल्ला दिनहरुमा प्रविधिसँग सम्बन्धित प्रदर्शनीहरु बढ्दोक्रममा छन् । यस्ता प्रदर्शनीले नेपाललाई प्रविधिका क्षेत्रमा थप अब्बल र दायरा फराकिलो बनाउने भएकाले राज्यले प्रत्साहन गर्नुपर्ने माग बढिरहेको छ । 

पछिल्ला वर्षहरुमा नेपालले प्रविधिका क्षेत्रमा फड्को मार्नेक्रम तीव्र छ । प्रविधिको क्षेत्र विस्तार एवम् प्रवद्र्धनका लागि समय–समयमा विभिन्न प्रदर्शनी समेत हुने गरेका छन् । यहि क्रममा काठमाडौंमा नेपाल पावर, लाइट एण्ड इलेक्ट्रिक, नेपाल कन्जुमर इलेक्ट्रोनिक्स एण्ड होम अपलायन्सेस अन्तर्राष्ट्रिय प्रदर्शनी चलेको छ । 

यस्ता प्रदर्शनीलाई स्थानीय स्तरसम्म पु¥याउने माग उपभोक्ताहरु एवम् अवलोकनकर्ताहरुले गरेका छन् । काठमाडौंको भृकुटीमण्डपमा सञ्चालन भएको प्रदर्शनीमा नेपालसहित विभिन्न देशका १ सय ५० भन्दा बढी स्टलहरु रहेका छन् ।

प्रदर्शनीमा पुगेका उपभोक्ताहरुले यस्ता प्रदर्शनीहरु देशका सातै वटा प्रदेश र स्थानीय तहसम्मै सञ्चालन हुनसके देशको अर्थतन्त्र थप चलायमान बनाउने सुझाव दिएका छन् । उनीहरुले यस्ता प्रदर्शनीले आम नागरिकहरुमा प्रविधि सम्बन्धी ज्ञान बढाउन मद्दत गर्ने समेत बताएका छन् । 

यस्ता प्रदर्शनी सूचनाहरु आदानप्रदान गर्ने ठाउँ भएकाले नयाँ कुराहरुबारे जानकारी पाउन उपभोक्तालाई सहज हुन्छ । त्यसैले पनि अवलोकनकर्ता थापा मात्रै होइन प्रविधिका क्षेत्रमा लागेका व्यापारीहरुमा पनि उत्साह छ । सिजी स्वरुमका असिस्टेण्ट म्यानेजर रोमन खत्रीले आफूहरुले सोचेको भन्दा बढी मानिसहरु मेलामा आउँदा र जानकारी दिन पाउँदा खुशी लागेको बताएका छन् । यस्ता एक्स्पोहरुले मानिसहरुबीचमा आफ्ना सामान पु¥याउन सहज हुने विश्वास उनको छ । 

मेलामा सहभागी व्यवसायी प्रनीति वन्त पनि मेलाबाट धेरै मानिसहरुमा पुग्नका लागि र आफ्ना सामग्रीहरु पु¥याउनका लागि सहज भएको बताउँछन् ।

नेपालमा बढ्दो जलविद्युत उत्पादनलाई विभिन्न विद्युतीय माध्यममार्फत खपत बढाउने, आयात प्रतिस्थापनमा सहयोग पु¥याउने र ऊर्जा व्यवसायलाई सबल बनाउन महत्वपूर्ण योगदान पु¥याउने उद्देश्यका साथ प्रदर्शनी सञ्चालनमा ल्याइएको आयोजकको भनाइ छ । देशको ऊर्जा तथा विद्युतीय बजारलाई सबल बनाउन, गुणस्तरीय सामानको प्रयोगमा जोड दिन र विद्युतीय उपकरणमा आत्मनिर्भरता बढाउन यस प्रदर्शनीले सकारात्मक प्रभाव पार्ने आयोजकको भनाइ रहेको   छ ।

प्रदर्शनीमा स्टिलमा उच्च गुणस्तरका अत्याधुनिक प्रविधि भएका ट्रान्समिसन तथा डिस्ट्रीब्युसन सामग्री, ऊर्जा आपूर्ति तथा नियन्त्रण यन्त्र, हाउस वायरिङ सामग्री, वायर, केबल, कन्डक्टर, नविनतम प्रकारका स्वीच, एलइडी लाइटिङ, इलेक्ट्रोनिक्स उपकरण, घरेलु विद्युतीय उपकरण, चार्जिङ स्टेशन, ब्याट्री, कार्यालय प्रविधि तथा अन्य विद्युतीय सामग्री प्रदर्शनीमा छन् ।