काठमाडौं । शुक्रबार विराटनगर किङ्सले कर्णाली याक्सलाई ३ विकेटले पराजित गरेसँगै एनपीएल सिजन–२ का १६ खेल सकिएका छन् । 

३२ खेलमा सकिने प्रतियोतिमा आठ फ्रेन्जाइज टोली रहेका छन् । मध्यभागमा पुगेको प्रतियोगितामा टोलीबीच प्लेअफका लागि रस्साकस्सी जारीे छ । जनकपुर, कर्णाली र लुम्बिनीलाई प्लेअफमा पुग्न कठिन देखिन्छ भने, शुक्रबारको खेलमा कर्णालीविरुद्ध विराटनगर र चितवनविरुद्ध काठमाडौंले जित निकालेका छन् ।

नेपाल पिमियर लिग (एनपीएल) सिजन–२ को मध्यभागमा पुग्दा च्याम्पियन कुन टोली बन्ला चासो बढेको छ । आठवटै फ्रेन्जाइज टोलीका समर्थकले आआफ्नो टोलीले जित्ने दाबी गरिरहेका छन् । ३२ खेल हुने प्रतियोगितामा शुक्रबारसम्म आइपुग्दा १६ खेल सकिएका छन् । 

प्रतियोगिताका आधा खेल खेलिँदा उत्कृष्ट चारमा पुग्न टोली विच निकै प्रतिष्पर्धा भइरहेको छ । समर्थकले प्राप्त नतिजा हेरेर प्लेअफ समिकरणको अनुमान गर्न थालिसकेका छन् । अहिलेसम्मका खेल हेर्दा दिपेन्द्रसिंह ऐरी नेतृत्वको सुदुरपश्चिम रोयल्स प्लेअफ पुग्ने पहिलो टोली बन्ने संकेत देखाएको छ । सन्दीप लामिछाने कप्तान रहेको विराटनगर किंग्स दोस्रो टोली बन्ने दौडमा देखिन्छ ।  

प्लेअफमा पुग्नसक्ने चार टोली को–को ? 

१. सुदूरपश्चिम रोयल्स

साविक उपविजेता समेत रहेको सुदूरपश्चिम रोयल्स एनपीएल सिजन–२ को प्लेअफमा पुग्ने पहिलो टोली बन्ने संघारमा छ । चार खेलमा चार जित सहित ८ अंक बटुलेर शिर्ष स्थान कब्जा गरेको सुदूरपश्चिम अब एक खेल जिते मात्रै पनि प्लेअफमा पुग्नेछ । 

राष्ट्रिय टोलीका उपकप्तान दिपेन्द्रसिंह ऐरी कप्तान रहेको रोयल्स प्लेअफमा पुग्न एक कदम मात्रै टाढा रहेको हो । ब्याटिङ, बलिङ र फिल्डिङमा दमदार देखिएको सुदूरपश्चिम पुरानो घाउ मेटाउँदै च्याम्पियनको स्वाँद लिन चाहन्छ । 

सुदूपश्चिमले प्रतियोगिताकको पहिलो खेलमा काठमाडौँ गोर्खाजलाई २९ रनले पराजित गरेको थियो । दोस्रो खेलमा पोखरा एभेन्जर्सलाई १८ रनले पराजित गर्दा तेस्रो खेलमा कर्णाली याक्सलाई ४५ रनले पराजित गरेको थियो । 

चौथो खेलमा लुम्बिनी लायन्स माथि ७ विकेटको सानदार जित निकालेको सुदुरपश्चिमले जनकपुर बोल्ट्स, चितवन राईनोज र विराटनगर किङ्ससंग खेल्न बाँकी छ । शनिबार रोयल्र्सले साविक विजेता जनकपुर बोल्ट्ससंग प्रतिष्पर्धा गर्नेछ । पहिलो संस्करणको च्याम्पियन हुन बाधक बनेको जनकपुर विरुद्धको खेलमा रोयल्स बदला लिने दाउमा हुनेछ । 
 
२. विराटनगर किङ्स

राष्ट्रिय टोलीका स्टार बलर सन्दीप लामिछाने कप्तान रहेको विराटनगर किङ्स एनपीएल सिजन–२ मा उत्कृष्ट लय छ । पाँच खेलमा चार खेलमा जित र एक खेलमा हार व्यहोरेको विराटनगर प्लेअफमा पुग्नसक्ने सम्भावीत दोस्रो टोली हो । 

देशी विदेशी नाम चलेका खेलाडी भरीपुर्ण किङ्स च्याम्पियन हुने दौडमा छ । मार्टिल गप्टिल, फाप डुप्लेसी जस्ता विश्वस्टार खेलाडीको बलमा विराटनगर प्लेअफ पुग्ने सम्भावना प्रबल रहेको हो ।

यस् सिजन पहिलो खेलमा पोखर एभेन्जस विरुद्ध ५३ रनको जित दर्ता गरेको विराटनगरले दोस्रो खेलमा काठमाडौँ गोर्खाजलाई ५ विकेटले पराजित गरेको थियो । तेस्रो खेलमा जनकपुर बोल्ट्स माथि ९ विकेटको सानदार जित निकालेको किङ्स चौथो खेलमा चितवन राइनोजसंग ४८ रनले पराजित हुन पुग्दा कर्णाली याक्सलाई ३ विकेटले पराजित गर्न सफल भयो । यो संगै विराटनगर शीर्ष दोस्रो स्थानमा छ ।

काठमाडौँ, चितवन र पोखरा बीच प्लेअफ टक्कर 

मध्यम खालको प्रदर्शन गरिरहेको काठमाडौँ गोर्खाजले प्लेअफमा जबरजस्त दावेदारी प्रस्तुत गरेको छ । शुक्रबार चितवन राइनोजलाई पराजित गरेको काठमाडौँको प्लेअफ पुग्ने सम्भावन बढेको छ । 

प्रतियोगिमा अहिलेसम्म सर्वाधिक पाँच खेल खेलिसकेको काठमाडौँले दुई खेल खेल्न बाँकी छ । पाँच खेलमा तीन जित र दुई हारले ६ अंक बटुल्दा अंकतालिकाको तेस्रो स्थानमा छ । 

करण केसी कप्तान रहेको काठमाडौँले पहिलो खेलमा जनकपुर विरुद्ध ५ विकेटको जित तर्दा गरेको थियो । दोस्रो खेलमा सुदुरपश्चिमसंग २९ रनको हार, तेस्रो खेलमा विराटनगरग ५ विकेटको हार, चौथा खेलमा लुम्बिनीसंग २२ रनको जित निकाल्दा पाँचौ खेलमा चितवन माथि ५३ रनको जित निकाल्न सफल भएको छ । 

चितवन राइनोजले चार खेलमा दुई खेल जित र दुई खेलमा हार ब्यहोर्दै ४ अंक बटुलेर तालिकाको चौथो स्थान कब्जा गरेको छ । 

तीन खेलमा दुई खेलमा हार र एक जितका साथ २ अंक बटुलेको  पोखरा एभेन्जर्स अंकतालिकाको पाँचौ स्थानमा छ । 

पोखराले चार खेल खेल्न बाँकी रहँदा प्लेअफको सम्भावना रहन्छ । उता कर्णाली चार खेलमा तीन खेलमा हार र एक खेलमा जितले २ अंक बटुल्दै अंकतालिकाको पाँचौ स्थानमा छ । कर्णालीको प्लेअफ सम्भावना पनि कमजोर बनेको छ । 

रोहित नेतृत्वको लुम्बिनी र अनिल नेतृत्वको जनकपुरको बेहाल

पहिलो संस्करणको एनपीएल उपाधि उचालेर ऐतिहासिक सफलता हात पारेको साविक विजेता टोली जनकपुर बोल्ट्स यस सिजन सुपरफ्लव सावित बन्ने बाटोमा छ । सुरुवाती तीन खेलमा पराजित भएको जनकपुर पाँचौ चरणका खेल सकिदा अंकविहिन हुने एकमात्र टोली हो । 

उद्धघाटन खेलमा काठमाडौँ गोर्खाजसंग ५ विकेटले पराजित भएको जनकपुर दोस्रो खेलमा विराटनगरसंग ९ विकेट र तेस्रो खेलमा पोखरासंग २५ रनले पराजित भएको भएको छ । यस्तो अवस्थामा जनकपुर प्लेअफ पुग्ने सम्भावना कम देखिन्छ । 

उसले चमात्कारिक प्रदर्शन गरेपनि प्लेअफ पुग्न असम्भव जस्तै छ । अर्काेतर्फ राष्ट्रिय टोलीका कप्तान रोहित कुमार पौडेल कप्तान रहेको लुम्बिनी लायन्सले समेत उपाघी होडबाट बाइबाइ गरिसकेको अवस्था छ । चार खेल खेलिसकेको लुम्बिनीले एक खेलमा जित र तीन खेलमा हारले अंकतालिकामा २ अंक बटुलेको छ । 

तीन खेल खेल्न बाँकी रहेपनि लुम्बिनीको प्लेअफ पुग्ने सम्भावना न्युन देखिएको छ । लुम्बिनीले पहिलो खेलमा चितवन विरुद्ध ६ विकेटको जित निकालेर राम्रो सुरुवात नगरेको होइन् त्यसपछि लगातार कर्णालीसंग ९ विकेट, काठमाडौँसंग २२ रन र सुदुरपश्चिमसंग ७ विकेटको हार ब्यहार्न पुगेको छ ।