काठमाडौँ । ललितपुरमा आगामी शनिबार (माघ ३ गते) मैत्रीपूर्ण टेबल टेनिस प्रतियोगिता हुने भएको छ ।  प्याराडाइज हिल्स रिसोर्ट बाडेगाउँ र प्लेटिनम फिटनेस क्लब एकान्तकुना ललितपुरको संयुक्त आयोजनामा माग ३ गते शनिबार मैत्रीपूर्ण टेबल टेनिस प्रतियोगिता हुन लागेको हो । 

उक्त मैत्रीपूर्ण टेबल टेनिस प्रतियोगिता ललितपुरको बाडेगाउँस्थित प्याराडाइज हिल्स रिसोर्टमा हुने छ । प्रतियोगितामा राष्ट्रियस्तरका टेबल टेनिस खेलाडीहरुको समेत सहभागिता हुने आयोजकले जनाएको छ । आयोजकका अनुसार टेबल टेनिस प्रतियोगिताका विजेतालाई विशेष पुरस्कारको समेत व्यवस्था गरिएको छ ।   

‘फिटनेस, रमाइलो र मित्रता एकसाथ’ नारा दिइएको मैत्रीपूर्ण टेबल टेनिस प्रतियोगिताले खेलकूद भावना, कल्याण र एकताको भावनालाई एकसाथ ल्याउँने आयोजकले विश्वास लिएको छ ।