ललितपुर । ठेचो क्वागाः ब्याडमिन्टन क्लवद्वारा ७६ औं शहिद दिवसको अवसर पारेर दोस्रो गोदावरी नगरव्यापी खुल्ला मेयर कप ब्याडमिन्टन प्रतियोगिता गर्ने भएको छ ।
आगामी माघ १६ र १७ गते गोदावरी नगरपालिका वडा नं. १२ वडाको पछाडि ठेचोमा हुने भएको सो क्लवका अध्यक्ष रत्नमान मालीले जानकारी गराएका छन् ।
सहिद दिवको अवसर पारेर आयोजना हुन लागेको गोदावरी नगरव्यापी खुल्ला मेयर कप ब्याडमिन्टन प्रतियोगिताका लागि इच्छुक खेलाडीहरुले मिति २०८२ माघ १० गतेसम्म दर्ता गर्नुपर्ने आयोजकले खोजतलासलाई जानकारी गराएको छ ।
सो गोदावरी नगरव्यापी खुल्ला मेयर कपमा प्रथम हुने खेलाडीलाई नगद ४० हजार, दोस्रो हुने खेलाडीलाई २५ हजार र तेस्रो हुने खेलाडीलाई १५ हजार नगदसहित पुरस्कृत गरिने आयोजकले जानकारी गराएको छ ।
गेदावरी नगरव्यापी दोस्रो खुल्ला मेयर कप व्याटमिन्टन प्रतियोगिताका प्रमुख आयोजक ठेचो क्वागाः ब्डामिन्टन क्लव रहेको छ भने सह-आयोजकका रुपमा गोदावरी नगरपालिका वडा नं. १२ रहेको छ ।
